Windows 7 මූලිකාංග...ඔබගේ පරිගණකය පිළිබඳ හදාරන්න.... පරිගණක වලට නවකයන්ට...1වන කොටස

සොයන්න

26.11.11

  • ~~මෙය වින්ඩෝස් 7( සිංහල ) උදව් සහ සහාය මගින් උපටා ගත් දෙයක්ය...~~
    මෙම ලිපිය මගින් පහත කරුණු ගැන විස්තර ඇත..
  • පරිගණක හැඳින්වීම
  • පරිගණකයක කොටස්
  • ඔබගේ මූසිකය භාවිතයෙන්
  • ඔබගේ යතුරු පුවරුව භාවිත කිරීම
  • ඔබේ පරිගණකය නිසිලෙස වැසීම
    Windows මූලිකාංග මාතෘකා තනා ඇත්තේ,ඔබට පෞද්ගලික පරිගණක පළපුරුද්ද සහ Windows මෙහෙයුම් පද්ධතිය හැඳින්වීමටයි.. ඔබ පරිගණක භාවිතය අරඹන්නකු වුවත් Windows, හි පැරණි අනුවාද භාවිතා කිරීමේ පළපුරුද්ද ඇති අයෙකු වුවත්,ඔබගේ පරිගණකය සාර්ථකව භාවිතා කිරීමට අවශ්‍ය කාර්යයන් සහ මෙවලම් අවබෝධකර ගැනීමට,මෙම මාතෘකා උදව් වේ.

    ---------------------------------------
  • පරිගණක හැඳින්වීම 
    ඔබ පරිගණක වලට නවකයෙක්ද? ඔවුන් කරන දෑ ගැන ඔබට පුදුමයට පත්වේවි සහ ඔබට එකක් අවශ්‍ය වන්නේ ඇයි? සාදරයෙන් පිළිගනිමු—ඔබ සිටින්නේ නිවැරදි තැනයි. මෙම ලිපිය මගින් පරිගණක පිළිබඳ සමාලෝචනයක් දෙයි: ඔවුන් මොනවාද,වෙනස් වර්ග සහ ඔබට ඔවුන් සමඟ කළ හැක්කේ කුමක්ද.
    පරිගණක යනු මොනවාද?
    උපදෙස් හෝ ක්‍රමලේඛසමුදායක් අනුව කාර්යයන් සහ ගණිත කර්ම සිදුකරන යන්ත්‍රයකි පරිගණකය. පළමු සම්පූර්ණ ඉලෙක්ට්‍රොනික පරිගණකය හඳුන්වාදුන්නේ 1940 ගණන් වලය.ඒවා විශාල යන්ත්‍ර වූ අතර මෙහෙයවීමට මිනිසුන් කණ්ඩායමක් අවශ්‍ය විය. පැරණි පරිගණක වලට සාපේක්ෂව,අද පරිගණක පුදුම සහගතය. ඒවා දහස් වාරයක් වේගවත් වනවා පමණක් නොව,ඔබගේ ලියන මේසය,උකුල හෝ ඔබගේ සාක්කුව තුළ පවා තැබිය හැකිය.
    පරිගණක,දෘඩාංග සහ මෘදුකාංග අන්තර් ක්‍රියාව මගින් වැඩකරයි. ආවරණය සහ එහි ඇතුලත ඇති සියලු දේ ඇතුලත්ව,ඔබට දැකිය හැකි සහ ස්පර්ෂකළ හැකි පරිගණක කොටස්දෘඩාංග වේ. වඩා වැදගත් දෘඩාංග කොටස වන්නේ ඔබගේ පරිගණකය ඇතුළත ඇති ඉතා කුඩා සෘජුකෝණාස්‍රාකාර චිපයක් වනමධ්‍යම සැලසුම් ඒකකය (CPU), හෝ සකසනයයි. එය ඔබගේ පරිගණකයේ"මොළය" යි—උපදෙස් පරිවර්තනය සහ ගණිත කර්ම සිදුකරන කොටස. ඔබගේ මොනිටරය,යතුරු පුවරුව,මූසිකය,මුද්‍රකය සහ අනෙකුත් අංග වලට දෘඩාංග උපාංග, හෝ උපාංගයැයි නිතරම කියයි.
    දෘඩාංග වලට කුමක් කරන්නේදැයි පවසන උපදෙස් සහ ක්‍රමලේඛමෘදුකාංගවේ. ඔබගේ පරිගණකයේ අකුරු ලිවීමට භාවිතාකළ හැකි වදන් සැකසුම් ක්‍රමලේඛය,මෘදුකාංග වර්ගයකි. මෙහෙයුම් පද්ධතිය (OS) යනු ඔබගේ පරිගණකය සහ එයට සම්බන්ධ වී ඇති උපාංග කළමනාකරණය කරන මෘදුකාංගයකි. Windows යනු ප්‍රසිද්ධ මෙහෙයුම් පද්ධතියකි.
    ENIAC
    1946 දී හඳුන්වා දුන්නේය,ENIAC (ඉලෙක්ට්‍රෝනික සංඛ්‍යාත්මක අනුකලකය සහ පරිගණකය )පළමු බහු මාධ්‍ය පරිගණකය විය. එය එක්සත් ජනපද හමුදාවේ කාලතුවක්කු වෙඩි උණ්ඩවල පෙත් ගණනය කිරීමට තනා ඇත. භෞතිකව,ENIAC අතිවිශාලය,කිලෝග්‍රෑම් 27,000 කට(රාත්තල් 60,000) වඩා බරය,සහ විශාල කාමරයක් ආවරණය කරයි. දත්ත සැකසීමට,ENIAC කුඩා ආලෝක බල්බයක ප්‍රමාණයේ රික්ත නළ 18,000 ක් පමණ භාවිතා කර ඇත. නළ පහසුවෙන් දැවෙන අතර නිතරම ප්‍රතිෂ්ඨාපනය කිරීමට සිදුවිය.
    පරිගණක වර්ග
    පරිගණක ප්‍රමාණයෙන් සහ හැකියාවෙන් වෙනස් වේ. මෙහි එක් අන්තයක් වන්නේ සුපිරි පරිගණකයි, දහස් ගණන් ක්ෂුද්‍ර සකසන සබැඳුනු ඉතා විශාල පරිගණක,අතිශයින් සංකීර්ණ ගණිත කර්ම සිදු කරයි. අනෙක් අන්තය වන්නේ,මොටර් රථ,ටීවි,ස්ටීරියෝ පද්ධති,කැල්කියුලේටර සහ උවාරණ චලට ඇතුළත්කර ඇති ඉතා කුඩා පරිගණකය. මෙම පරිගණක තනා ඇත්තේ කාර්යයන් සීමිත සංඛ්‍යාවක් සිදුකිරීමටය.
    පෞද්ගලික පරිගණකය, හෝ PC, තනා ඇත්තේ එකවර එක් පුද්ගලයෙකුට භාවිතා කිරීමටය. මෙම අංශය විවිධ වර්ගයේ,පෞද්ගලික පරිගණක පිළිබඳ විස්තර කරයි:වැඩතල පරිගණක,ලැප්‌ටොප්,අතින් ගෙන යන පරිගණක සහ තල පරිගණක
    වැඩතල පරිගණක
    වැඩතල පරිගණක තනා ඇත්තේ ලියන මේසය හෝ මේසයක් මත සිට භාවිතා කිරීමටය. ඒවා නියමාකාරයෙන් අනෙකුත් වර්ගයේ පෞද්ගලික පරිගණක වලට වඩා විශාල සහ බලවත් වේ. වැඩතල පරිගණක සෑදී ඇත්තේ වෙනමම අංගයන්ගෙනි. පද්ධති ඒකකය යැයි කියනු ලබන ප්‍රධාන අංගය,සාමාන්‍යයෙන් ලියන මේසය මත තබා ඇති සෘජුකෝණාස්‍රාකාර ආවරණයකි. පද්ධති ඒකකයට සම්බන්ධ වී ඇති මොනිටරය,මූසිකය,සහ යතුරු පුවරුව වැනි අනෙකුත් උපාංග.
    වැඩතල පරිගණකය
    ලැප්‌ටොප් පරිගණක සහ කුඩා තල පරිගණක
    ලැප්‌ටොප් පරිගණක යනු තුනී තිරයක් ඇති සැහැල්ලු ජංගම PC ය. ලැප්ටොප් බැටරි මගින් මෙහෙයවිය හැකිය.එමනිසා ඒවා ඕනෑම තැනකට ගෙනයා හැකිය. වැඩතල පරිගණක මෙන් නොව,ලැප්ටොප්, CPUඑක,තිරය,යතුරු පුවරුව එක ආවරණයකට ඒකරාශී කරයි. භාවිතා නොකරන විට තිරය,යතුරු පුවරුව මතට නමා ඇත.
    කුඩා සටහන් පොත් PC (මධ්‍ය පරිගණකලෙස නිතර හඳූන්වන), යනු,සීමිත කාර්යයන් සිදුකිරීමට තනා ඇති කුඩා දරාගතහැකි පරිගණකය. සාමාන්‍යයෙන් ඒවා ලැප්ටොප් එකකට වඩා බලයෙන් අඩුය.එමනිසා ප්‍රධාන වශයෙන් ඒවා වෙබය පිරික්සීමට සහ ඉ තැපෑල පරීක්ෂා කිරීමට යොදාගනී.
    ලැප්ටොප් පරිගණකය සහ කුඩා සටහන් පොත් PC එක
    ස්මාට්ෆෝන්
    ස්මාට්ෆෝන් යනු පරිගණකයක ඇති සමහර හැකියාවන් ඇති ජංගම දුරකථනය. ඔබට දුරකථන ඇමතුම් ගැනීමට,අන්තර්ජාලයට පිවිසීමට,ඇමතුම් තොරතුරු සංවිධානය කිරීමට,ඉ තැපැල් සහ පෙළ පණිවිඩ යැවීමට,ක්‍රීඩා කිරීමට සහ පින්තූර ගැනීමට,ස්මාට්ෆෝන් භාවිතාකළ හැකිය. සාමාන්‍යයෙන් ස්මාට්ෆෝන් සතුව යතුරු පුවරුවක් සහ විශාල තිරයක් ඇත.
    අතින් ගෙනයන පරිගණක
    අතින් ගෙනයන පරිගණක, පෞද්ගලික ඩිජිටල් සහකරු (PDA)නමින්ද හඳුන්වන අතර, සෑම තැනකම ගෙන යාමට තරම් කුඩා බැටරියෙන් බලගැන්වෙන පරිගණකය. වැඩතල සහ ලැප්ටොප් පරිගණක තරම් බලවත් නොවන නමුදු,අතින් ගෙනයන පරිගණක,කාර්ය සටහන් කිරීමට,දුරකථන අංක සහ ලිපින ගබඩා කිරීමට,සහ ක්‍රීඩා කිරීමට ප්‍රයෝජනවත් වේ. දුරකථන ඇමතුම් ගැනීම,අන්තර්ජාලයට පිවිසීම වැනි සමහර උසස් හැකියාවන්ද ඇත. යතුරු පුවරු වෙනුවට,අතින් ගෙනයන පරිගණක සතුව,ඔබගේ ඇඟිලි හෝස්ටයිලස් (පෑන් හැඩැති දැක්වුම් මෙවලමක්)භාවිතාකළ හැකි ස්පර්ෂක තිරයක් ඇත.
    Tablet PC
    Tablet PC යනු අතින් ගෙනයන පරිගණක සහ ලැප්ටොප් වල විශේෂාංග ඇති ජංගම PCය. ලැප්ටොප් මෙන්,ඒවා බලවත්වන අතර තිළැලි තිරයක් ඇත. අතින් ගෙනයන පරිගණක මෙන්,ඒවා මගින් සාමාන්‍යයෙන් ඔබට, ස්ටයිලස් වෙනුවට tablet පෑනක් භාවිතයෙන් තිරය මත සටහන් ලිවීමට සහ චිත්‍ර ඇඳීමට ඉඩදේ. ඒවාට ඔබගේ අත් අකුරු ටයිප්කළ පෙළ බවට පරිවර්තනය කිරීමටද හැකිය. ඇතැම් Tablet PC හැකිළීමට හැකි ඒවාය.එහි තිරය කැරකැවීමට හැකිවන අතර එය දිගහරින විට ඊට යටින් පිහිටි යතුරුපුවරුව දිස් වේ.
    ඔබට පරිගණක සමග කළ හැක්කේ මොනවාද?
    සමහර වැඩකරන ස්ථාන තුළ,බොහෝ පුද්ගලයින් වාර්තා තැබීමට,දත්ත විශ්ලේෂණයට,පර්යේෂණ කිරීමට සහ ව්‍යාපෘති කළමනාකරණය කිරීමට පරිගණක භාවිතා කරයි. නිවසේදී,ඔබට තොරතුරු සෙවීමට,සංගීතය සහ පින්තූර ගබඩා කිරීමට,මුදල් පසුපස ලුහු බැඳීමට,ක්‍රීඩා කිරීමට සහ අනෙකුත් පුද්ගලයින් සමඟ සන්නිවේදනය කිරීමට පරිගණකය භාවිතාකළ හැකිය— ඒවා හැකියාවන් කිහිපයකි.
    ඔබට අන්තර්ජාලයට, සම්බන්ධ වීමටද පරිගණකය භාවිතාකළ හැකිය,ලෝකය වටේට ඇති පරිගණක සම්බන්ධ කරන ජාලය. අන්තර්ජාල ප්‍රවේශය,මාසික ගාස්තුවකට බොහෝ නාගරික ප්‍රදේශවල ඇති අතර ජනගහනය අඩු ප්‍රදේශවල වැඩිවෙමින් පවතී. අන්තර්ජාල ප්‍රවේශය සමඟ,ඔබට මුළු ලෝකය පුරා සන්නිවේදනය කළ හැකි අතර විශාල තොරතුරු ප්‍රමාණයක් සොයාගත හැකිය.
    මෙන්න පරිගණකය සමඟ කළ හැකි බොහෝ ජනප්‍රිය දේවල්:
    වෙබය
    විශ්ව විසිරි වියමන (වෙබය, හෝ වෙබ් ලෙස සාමාන්‍යයෙන් හඳුන්වයි) යනු, අතිදැවැන්ත තොරතුරු ගබඩාවකි.. වෙබය අන්තර්ජාලයේ ඇති වඩා වැදගත්ම කොටසයි,මන්දයත් එය බොහෝ තොරතුරු පෙන්වන්නේ දෘෂ්‍යව සිත්ඇදගන්නා හැඩතලයකටය. තනි වෙබ් පිටුවකටඒකරාශීකළ හැකි ශීර්ෂපාඨ,පෙළ සහ පින්තූර—බොහෝදුරට සඟරාවක පිටුවක් වගේ වන—හඬ සහ සජීවන හැර A වෙබ් අඩවියක් යනු එකිනෙකට සබැඳුනු වෙබ් පිටුවල එකතුවකි. වෙබයේ මිලියන ගණන් වෙබ් අඩවි සහ බිලියන ගණන් වෙබ් පිටු අඩංගු වේ.
    වෙබ් පිටුවකට උදාහරණ (Microsoft Game Studios)
    වෙබයසර්ෆ් කිරීමයනු එය ගවේෂණය කිරීමයි. ඔබට සිතිය හැකි ඕනෑම මාතෘකාවක් ගැනම පාහේ තොරතුරු වෙබයෙන් සෙවිය හැකිය. උදාහරණයක් ලෙස,ඔබට ප්‍රවෘත්ති කථා සහ චිත්‍රපටි සමාලෝචන කියවීමට,ගුවන්ගමන් කාර්ය සටහන් පරීක්ෂා කිරීමට,වීදි සිතියම් බැලීමට,ඔබගේ නගරයේ කාලගුණ අනාවැකි ලබාගැනීමට හෝ සෞඛ්‍ය තත්වය ගවේෂණය කිරීමට හැකිය. බොහෝ සමාගම්,නියෝජිත ආයතන,කෞතුකාගාර සහ පුස්තකාල සතුව ඔවුන්ගේ නිශ්පාදිත,සේවා හෝ එකතුකිරීම් ගැන තොරතුරු ඇතුලත් වෙබ් අඩවි ඇත. ශබ්ද කෝෂ,විශ්ව කෝෂ වැනි සම්බන්ධක මූලාශ්‍රද බොහෝසෙයින් පවතී.
    වෙබය,වෙළෙන්දාගේද විනෝදාස්වාදයකි. බොහෝ සිල්ලර වෙළෙන්දන්ගේ වෙබ් අඩවි වලින් ඔබට පොත්,සංගීතය,සෙල්ලම් බඩු,ඉලෙක්ට්‍රොනික සහ බොහෝ නිශ්පාදිත පිරික්සීමට සහ මිලදී ගැනීමට හැකිය. වෙන්දේසි වර්ගයේ ලංසු භාවිතා කරන වෙබ් අඩවි මගින් ඔබට භාවිතාකළ අයිතම මිලදීගැනීම සහ විකිණීමකළ හැකිය.
    ඉ තැපැල්
    ඉ තැපැල් ( ඉලෙක්ට්‍රොනික තැපෑලලුහුඬින්) අනෙකුත් අය සමග සන්නිවේදනය කිරීමේ පහසු ක්‍රමයකි. ඔබ ඉ තැපැල් පණිවිඩ යවන විට,එය ක්ෂණිකවම වාගේ ලබන්නාගේ එනලිපි වලට පැමිණේ. ඔබට එකවිට බොහෝ පුද්ගලයන්ට ඉ තැපැල් යැවිය හැකි අතර සුරැකීම,මුද්‍රණය කිරීම සහ වෙනත් අයට ඉ තැපැල් යැවීමට හැකිය. ලේඛ,පින්තූර සහ සංගීත ගොනු ඇතුළත්ව,ඔබට ඉ තැපැල් පණිවිඩයක් තුළින් ඕනෑම වර්ගයේ ගොනුවක්ම වාගේ යැවීමට හැකිය. සහ ඉ තැපැල් සමඟ ඔබට තැපැල් මුද්දර අවශ්‍ය නොමැත
    ඉ තැපැල් භාවිතය පිළිබඳ වැඩිදුර විස්තර සඳහා,බලන්න ඉ‑තැපෑල සමගින් ඇරඹීම.
    ක්ෂණික පණිවිඩ යැවීම
    ක්ෂණික පණිවිඩ යැවීම,වෙනත් පුද්ගලයෙකු හෝ පුද්ගලයින් කණ්ඩායමක් සමඟ තත්කාලීන සාකච්ඡා කිරීමක් වැනිය. ඔබ ක්ෂණික පණිවිඩයක් ටයිප් කරනවිට සහ යවන විට,සියලු ලබන්නන්ට පණිවිඩය ක්ෂණිකව දිස්වේ. ඉ තැපැල් මෙන් නොව,සියලු සහභාගීවන්නන් සබැඳිව(අන්තර්ජාලයට සබැඳිව) සිටියයුතු අතර එක විට ඔවුන්ගේ පරිගණක ඉදිරිපස සිටිය යුතුය. ක්ෂණික පණිවිඩකරණය මගින් සන්නිවේදනය කිරීම, කතාබස් කිරීම යනුවෙන් හැඳින්වේ.
    පින්තූර,සංගීතය සහ චිත්‍රපටි
    ඔබ සතුව ඩිජිටල් කැමරාවක් තිබේනම්,ඔබට ඔබගේ පින්තූර කැමරාවෙන් පරිගණකයට ගෙනයා හැකිය. ඉන්පසු ඔබට ඒවා මුද්‍රණය කිරීම,ස්ලයිඩ දැක්ම තැනීම හෝ ඉ තැපැල් හෝ වෙබය මතට දැමීම මගින් අනෙක් පුද්ගලයින් සමඟ හවුල්කළ හැකිය. ශ්‍රව්‍ය CD මගින් සංගීතය ආයාත කිරීමෙන් හෝ සංගීත වෙබ්අඩවි වලින් සින්දු මිලදී ගැනීමෙන්,ඔබට පරිගණකයෙන් සංගිතයට සවන්දිය හැකිය. හෝ ඔබට,අන්තර්ජාලය හරහා විකාශනයවන දහස් ගණන් රේඩියෝ නාලිකා වලට සුසරකළ හැකිය. ඔබගේ පරිගණකයේම ධාවකයක් පවතීනම්ද,ඔබට චිත්‍රපටි නැරඹිය හැකිය.
    ක්‍රීඩා කිරීම
    ඔබ ක්‍රීඩා කිරීමට කැමතිද? පරිගණක ක්‍රීඩා දහස් ගණනක් සෑම සිතිය හැකි වර්ගයකින්ම,ඔබට සංග්‍රහ කිරීමට පවතී. කාරයේ රෝදය පිටුපස සැඟවෙන්න, අඳුරු ගුහා තුළ සිටින සත්වයින් බිය වද්දමින් සටන් කරන්න, නැතහොත් ශිෂ්ටාචාර සහ අධිරාජ්‍යයන් පාලනය කරන්න. බොහෝ ක්‍රීඩා ඔබට අන්තර්ජාලය හරහා ලෝකය පුරා ඇති තරඟකරුවන් සමඟ තරඟ කිරීමට ඉඩ සලසාදෙයි. Windows වල විවිධ වර්ගයේ කාඩ් ක්‍රීඩා,ප්‍රහේලිකා ක්‍රීඩා සහ උපාය මාර්ගික ක්‍රීඩා ඇතුළත් වේ. වැඩිදුර විස්තර සඳහා,බලන්න Windows ක්‍රීඩා පිළිබඳ හදාරන්නපිළිබඳ හදාරන්න.
    පරිගණකයක කොටස්
    ඔබ වැඩතල පරිගණකයක් භාවිතා කරන්නේ නම්, එහි "පරිගණකය " යැයි කියන කිසිඳු තනි කොටසක් නොපවතින බව ඔබ දැනටමත් දන්නවා ඇත පරිගණකයක් යනු ඇත්තටම කොටස් රාශියක් එක්ව ක්‍රියා කරන පද්ධතියකි. ඔබට දැකීමට හැකි සහ ස්පර්ෂ කළ හැකි භෞතික කොටස් සියල්ලටම දෘඩාංග යැයි කියනු ලැබේ. (අනෙක් අතට මෘදුකාංග යනු, කළ යුත්තේ කුමක්දැයි දෘඩාංගවලට පවසන, උපදෙස් සහ ක්‍රමලේඛන් වේ.)
    වැඩතල පරිගණක පද්ධතියක් තුළ බහුලව පවතින දෘඩාංග, පහත නිරූපණය මගින් පෙන්වනු ලබයි. ඔබගේ පද්ධතිය මදක් වෙනස් ලෙස දිස්වනු ඇත, නමුත් එහි මෙම කොටස්වලින් බොහෝමයක් තිබීමට ඉඩ ඇත. ලැප්ටොප් පරිගණකයක එයට සමාන කොටස්ම ඇත, නමුත් ඒවා තනි සටහන් පොතක් තරමේ පැකේජයකට සංයුක්තකර ඇත
    අප මෙම එක් එක් කොටසක් දෙසම බලමු.
    පද්ධති ඒකකය
    පද්ධති ඒකකය යනු පරිගණක පද්ධතියක හරය වේ. එය සාමාන්‍යයෙන්, ඔබගේ ලියන මේසය මත හෝ යට තබා ඇති සෘජුකෝණාස්‍රාකාර පෙට්ටියකි. තොරතුරු සකසන බොහෝ ඉලෙක්ට්‍රොනික සංරචක මෙම පෙට්ටිය තුළ ඇත. මෙම අංගයන්ගෙන් වඩා වැදගත් වන්නේ පරිගණකයේ මොළය ලෙස ක්‍රියා කරන මධ්‍යම සැකසුම් ඒකකය (CPU), නැතහොත් ක්ෂුද්‍ර සකසනයයි. තවත් අංගයක් වනුයේ, පරිගණකය සක්‍රියව පවතින විට දී CPU එක භාවිතා කරන තොරතුරු තාවකාලිකව ගබඩා කරන සසම්භාවී ප්‍රවේශ මතකයයි (RAM). පරිගණකය අක්‍රිය කළ විට RAM තුළ ගබඩා වී ඇති තොරතුරු මැකීයයි.
    ඔබගේ පරිගණකයේ අනෙකුත් සෑම කොටසක්ම පාහේ කේබල් භාවිතයෙන් පද්ධතියට සම්බන්ධ වේ. පද්ධති ඒකකයේ පසුපසින් පිහිටි විශේෂිත කටමං (විවර) තුළට, කේබල් සවිකර ඇත. පද්ධති ඒකකයෙහි කොටසක් නොවන දෘඩාංගවලට සමහරවිට පර්යන්ත ආම්පන්නය හෝ ආම්පන්නය යැයි කියනු ලැබේ.
    ගබඩාව
    ඔබගේ පරිගණකය සතුව ඩිස්ක ධාවක—ලෝහ හෝ ප්ලාස්ටික් ඩිස්ක තුළ තොරතුරු ගබඩා කරන උපාංග, එකක් හෝ ඊට වැඩි ගණනක් පවතී. ඔබගේ පරිගණකය අක්‍රියව පවතින විට දී පවා ඩිස්කය මගින් තොරතුරු සංරක්ෂණය කරනු ලබයි.
    දෘඪ ඩිස්ක ධාවකය
    ඔබගේ පරිගණකයේ දෘඪ ඩිස්ක ධාවකය මගින් දෘඪ තැටියක තොරතුරු ගබඩා කරනු ලබයි—චුම්බක මතුපිටක් සහිත විශාල අනම්‍ය තැටියක් හෝ තැටි ගොඩක්. දෘඩ ඩිස්කවලට තොරතුරු විශාල ප්‍රමාණයක් දැරිය හැකි බැවින් එය, ඔබගේ ක්‍රමලේඛ සහ ගොනු සියල්ල පාහේ ගබඩාකර ගන්නා, ප්‍රාථමික මතකය ලෙස කටයුතු කරනු ඇත. දෘඪ ඩිස්ක ධාවකය සාමාන්‍යයෙන් පිහිටා ඇත්තේ පද්ධති ඒකකය තුළය.
    CD සහ DVD ධාවක
    අද පරිගණක සියල්ලම පාහේ CD හෝ DVD ධාවක සමගින් පැමිණේ, සාමාන්‍යයෙන් ඒවා පද්ධති ඒකකයේ ඉදිරිපස පිහිටා ඇත. CD එකකින් දත්ත කියවිම (ලබාගැනීම) සඳහා CD ධාවක මගින් ලේසර් භාවිත කරනු ලබයි; බොහෝ CD ධාවකහට CD එකකට දත්ත ලිවීමට (රෙකෝඩනය කිරීමට) හැකිය. ඔබ සතුව රෙකෝඩනය කළ හැකි ඩිස්ක ධාවකයක් තිබේ නම්, ඔබගේ ගොනුවල පිටපත්, හිස් CDවල ගබඩා කළ හැකිය. ඔබගේ පරිගණකයෙන් සංගීත CD ධාවනය කිරීම සඳහා ද CD ධාවකයක් භාවිත කළ හැකිය.
    DVD ධාවකවලට, CD ධාවකවලට කළ හැකි සියලු දේ කළ හැකි අතර, DVD කියවීමට ද හැකිය. ඔබ සතුව DVD ධාවකයක් පවතී නම්, ඔබගේ පරිගණකයෙන් චිත්‍රපට නැරඹීමට හැකිය. බොහෝ DVD ධාවකහට හිස් DVD එකකට දත්ත රෙකෝඩනය කළ හැකිය.
    ඉඟිය
    • ඔබ සතුව රෙකෝඩනය කළ හැකි CD හෝ DVD ධාවකයක් පවතී නම්, ඔබගේ වැදගත් ගොනු කලින් කලට, CD හෝ DVD තුළට රක්ෂිත කරන්න (පිටපත් කරන්න). කවදා හෝ ඔබගේ දෘඩ ඩිස්කය බිඳ වැටුණොත්, මේ ආකාරයට අනුව, ඔබගේ දත්ත අහිමි නොවනු ඇත.
    නම්‍ය ඩිස්කය ධාවකය
    නම්‍ය ඩිස්කය ධාවක මගින්, නම්‍ය ඩිස්ක මත තොරතුරු ගබඩා කරනු ලබන අතර, ඒවා ෆ්ලොපීස් හෝ ඩිස්කට් යන නමින් ද හඳුන්වයි. CD සහ DVD වලට සාපේක්ෂව, නම්‍ය ඩිස්කවලට දත්ත සුළු ප්‍රමාණයක් පමණක් ගබඩා කළ හැකිය. ඒවා තොරතුරු ලබාගන්නේ ද ඉතා සෙමිනි, එමෙන්ම හානිවලට ගොදුරුවීමේ ඉඩකඩ වැඩිය. මෙම හේතු නිසා, සමහර පරිගණකවල තවමත් ඒවා ඇතුලත්ව තිබුන ද, නම්‍ය ඩිස්ක ධාවක පෙර මෙන් ජනප්‍රිය නොවේ.
    මෙම ඩිස්කවලට "නම්‍ය ඩිස්ක" යැයි කියනුයේ මන්ද? පිටත තනා ඇත්තේ දෘඩ ප්ලාස්ටික් වලිනි, නමුත් එය පුනුවක් පමණි. ඩිස්කයේ ඇතුලත තනා ඇත්තේ තුනී, නම්‍යශීලී, වයිනයිල් නම් ද්‍රව්‍යකිනි.
    මූසිකය
    මූසිකය යනු, ඔබගේ පරිගණක තිරයෙහි වූ අයිතම දැක්වීමට සහ තේරීමට භාවිතා කරන කුඩා ආම්පන්නයකි. මූසික බොහෝ හැඩවලින් පැමිණෙන නමුදු, නියම මූසිකය මදක් දුරට සත්‍ය මියකු සේ පෙනේ. එය කුඩා, දිගටි එකක් වන අතර, වලිගයකට සමාන දිගු රැහැනකින් පද්ධති ඒකකයට සම්බන්ධ වී ඇත. සමහරක් නවතම මූසික රැහැන් රහිතය.
    සාමාන්‍යයෙන් මූසිකයක බොත්තම් දෙකක් ඇත: ප්‍රාථමික බොත්තමක් (සාමාන්‍යයෙන් වම් බොත්තම) සහ ද්විතියික බොත්තමක් බොහෝ මූසික සතුව, බොත්තම් දෙක අතර රෝදයක් ද ඇත, එමගින් ඔබට තිරය මත ඇති තොරතුරු හරහා සුමටව අනුචලනය කිරීමට ඉඩ සලසා දෙයි.
    ඔබගේ අත සමග මූසිකය වලනය කරන විට, ඔබගේ තිරය මත ඇති දර්ශකයක් එම දිශාවට චලනය වේ. (තිරය මත දර්ශකය ස්ථානගත වී ඇති ආකාරය මත පදනම්ව, එහි පෙනුම වෙනස්වීමට ඉඩ ඇත.) ඔබට අයිතමයක් තෝරා ගැනීමට අවශ්‍ය විට, අයිතමය වෙතට යොමු වී, අනතුරුව ප්‍රාථමික බොත්තම ක්ලික් කරන්න (ඔබන්න සහ මුදාහරින්න). ඔබගේ පරිගණකය සමග සම්බන්ධවීමේ ප්‍රධාන ක්‍රමය වනුයේ, ඔබගේ මූසිකය භාවිතයෙන් යොමුවීම සහ ක්ලික් කිරීම වේ. වැඩිදුර තොරතුරු සඳහා, ඔබගේ මූසිකය භාවිතයෙන් බලන්න.
    යතුරු පුවරුව
    යතුරු පුවරුවක් ප්‍රධාන වශයෙන්ම භාවිත කරන්නේ ඔබගේ පරිගණකය තුළට පෙළ ටයිප්කිරීම සඳහාය. යතුරු ලියනයක ඇති යතුරු පුවරුවක් මෙන්, එහි අකුරු සහ ඉලක්කම් සඳහා යතුරු ඇත, නමුත් විශේෂිත යතුරුත් ඇත:
    • කාර්යය යතුරු, ඒවා තිබෙන්නේ ඉහළ පේළියේ වන අතර, ඒවා භාවිතා කරන අවස්ථාව අනුව වෙනස් කාර්යයන් සිදුකරයි.
    • සංඛ්‍යාත්මක යතුරු පුවරුව, බොහෝ යතුරු පුවරුවල දකුණුපස පිහිටා ඇති අතර, සංඛ්‍යා කඩිනමින් ඇතුළු කිරීමට ඔබට ඉඩ සලසා දෙයි.
    • සර යතුරු වැනි, මං සෙවුම් යතුරු මගින්, ලේඛයක් හෝ වෙබ් පිටුවක් තුළ ඔබගේ ස්ථානය වෙනස් කිරීමට ඉඩ සලසා දෙයි.
    ඔබට මූසිකය භාවිතයෙන් කළ හැකි කාර්යයන් බොහෝමයක් සිදුකිරීමට, යතුරු පුවරුව ද භාවිතා කළ හැකිය. වැඩිදුර තොරතුරු සඳහා, ඔබගේ යතුරු පුවරුව භාවිත කිරීම බලන්න.
    මොනිටරය
    මොනිටරයක් මගින් පෙළ සහ චිත්‍රක භාවිතකර දෘශ්‍යමය අකාරයෙන් තොරතුරු දක්වනු ලබයි. මොනිටරයේ තොරතුරු දක්වන කොටස තිරයනමින් හඳුන්වයි. රූපවාහිනී තිරයක් මෙන්ම, පරිගණක තිරයට චලන හෝ නිශ්චල පින්තූර පෙන්විය හැකිය.
    මූලික මොනිටර වර්ග දෙකක් පවතී: CRT (කැතෝඩ කිරණ නලය) මොනිටර සහ නවතමLCD (ද්‍රව ස්ඵටික සංදර්ශකය) මොනිටර. වර්ග දෙකම මගින් තියුණු අනුරූ නිපදවන නමුත්, වඩාත් තුනීවීමේ සහ සැහැල්ලුවීමේ වාසිය LCD මොනිටරවල පවතී.
    මුද්‍රකය
    මුද්‍රකයක් මගින් පරිගණකයේ සිට කඩදාසි කොළය මතට දත්ත හුවමාරු කරනු ලබයි. ඔබගේ පරිගණකය භාවිතා කිරීම සඳහා මුද්‍රකයක් අවශ්‍ය නොවේ, නමුත් එවැන්නක් තිබීම මගින් ඉ‑තැපැල්, කාඩ්පත්, ආරාධනා, නිවේදන සහ අනෙකුත් දෑ මුද්‍රණය කිරීමට ඉඩ සලසා දෙයි. බොහෝ පුද්ගලයන් ඔවුන්ගේ පින්තූර නිවෙසේ දී ම මුද්‍රණය කරගැනීමට ද කැමැත්තක් දක්වයි.
    ප්‍රධාන මුද්‍රක වර්ග දෙක වනුයේ ඉන්ක්ජෙට් මුද්‍රක සහ ලේසර් මුද්‍රකය. නිවෙස් සඳහා වඩාත් ජනප්‍රිය මුද්‍රක වර්ගය වනුයේ ඉන්ක්ජෙට් මුද්‍රකය. ඔවුන්ට, කළු සුදු හෝ සම්පූර්ණ වර්ණයෙන් මුද්‍රණය කළ හැකි අතර, විශේෂිත කඩදාසි භාවිතා කරන විට ඉහළ ගුණාත්මක භාවයෙන් යුතු ඡායාරූප නිපදවිය හැකිය. ලේසර් මුද්‍රක වඩාත් වේගවත්වන අතර, සාමාන්‍යයෙන් අසීරු කාර්යන් හැසිරවීමට වඩාත් සුදුසු වේ.
    ස්පීකර
    ස්පීකර, හඬ ධාවනය කිරීම සඳහා යොදා ගනී. ඒවා පද්ධති ඒකකය තුළම හෝ රැහැන් මගින් සම්බන්ධ වී තිබිය හැක. ඔබගේ පරිගණකයෙන් සංගීතයට සවන් දීමට සහ ශබ්ද ප්‍රයෝග ඇසීමට, ස්පීකර මගින් ඉඩ සලසා දෙයි.
    මොඩමය
    ඔබගේ පරිගණකය අන්තර්ජාලය වෙත සබැඳීමට, ඔබට මොඩමයක්අවශ්‍ය වේ. මොඩමයක් යනු, දුරකථන මාර්ගයක් හෝ අධිවේගී රැහැන් හරහා පරිගණක තොරතුරු යැවීමට සහ ලබා ගැනීමට හැකි ආම්පන්නයකි. මොඩම, සමහර විට පද්ධති ඒකකය තුළ ඇතුලත්ව පවතී, නමුත් අධිවේගී මොඩම සාමාන්‍යයෙන් වෙනම උපාංග ලෙස පවතී.
    ඔබගේ මූසිකය භාවිතයෙන්
    ඔබ භෞතික වටපිටාව තුළ තිබෙන වස්තූන් සමග ක්‍රියා කිරීමට අත භාවිත කරනවාට සමානව, ඔබගේ පරිගණක තිරයේ තිබෙන අයිතම සමග ක්‍රියා කිරීමට මූසිකය භාවිත කළ හැකිය. ඔබට මූසිකය මගින් දැක්වීමෙන් සහ ක්ලික් කිරීමෙන්, වස්තු ගෙනයාමට, ඒවා විවෘත කිරීමට, ඒවා වෙනස් කිරීමට, ඒවා ඉවතට විසි කිරීමට සහ අනෙකුත් ක්‍රියා සිදුකිරීමට හැකිය.
    මූලික කොටස්
    මූසිකයක නියම වශයෙන් බොත්තම් දෙකක් ඇත: ප්‍රාථමික බොත්තම (සාමාන්‍යයෙන් වම් බොත්තම) සහ ද්විතීයික බොත්තම (සාමාන්‍යයෙන් දකුණු බොත්තම). ඔබ නිතරම ප්‍රාථමික බොත්තම භාවිතා කරයි. ලේඛ සහ වෙබ් පිටු හරහා වඩා පහසුවෙන් අනුචලනය කිරීමට ඔබට උදව් කිරීමට, බොහෝ මූසික සතුව අනුචලන රෝදයක්ඇත. සමහර මූසික වල,අනුචලන රෝදය තෙවන බොත්තමක් ලෙස යෙදීමට එබිය හැකිය. වැඩි දියුණු කළ මූසික සතුව අනෙකුත් කාර්යයන් සිදුකළ හැකි අමතර බොත්තම් තිබිය හැකිය.
    මූසිකය රඳවා ගැනීම සහ එහා මෙහා ගෙනයාම
    මූසික පෑඩයක් වැනි පිරිසිදු,තුනී මතුපිටක් මත.යතුරු පුවරුව සමීපයෙහි ඔබගේ මූසිකය තබන්න. ඔබගේ දබංඟිල්ල ප්‍රාථමික බොත්තම මත විවේකීව තබමින් සහ අනෙක් පැත්තෙන් මාපටඟිල්ල විවේකීව තබමින්,මූසිකය මෘදුව රඳවාගන්න. මූසිකය ගෙනයාමට එය ඕනෑම දිශාවකට සෙමින් ලිස්සා යවන්න. එය එකට ඇඹරීම නොකරන්න—මූසිකයේ ඉදිරිපස ඔබෙන් ඉවතට කර තබාගන්න. ඔබ මූසිකය ගෙනයන විට, තිරය මත ඇති දර්ශකයද (පින්තූරය බලන්න) එම දිශාවට ගෙනයයි. මූසිකය වලනය කිරීම සඳහා ඔබගේ මේසයෙහි හෝ මූසික පෑඩයෙහි ඉඩ ප්‍රමාණවත් නොවේ නම්, එය ඔසවා ඔබ වෙතට යළි ගෙන එන්න.
    දැක්වීම,ක්ලික් කිරීම සහ ඇදීම
    තිරය මත ඇති අයිතමයක් වෙත දැක්වීම යනු අයිතමය ස්පර්ශ වී ඇති බව පෙනෙන ආකාරයට මූසිකය ගෙනයාමයි. ඔබ යමක් වෙත දැක්වූ විට,අයිතමය විස්තර කෙරෙන කුඩා කොටුවක් නිතරම දිස්වේ. උදාහරණයක් ලෙස, ඔබ වැඩතලය, මත ඇති පිළිසකර බඳුන වෙත දැක්වුහොත්,මෙම තොරතුරු සමඟ කොටුවක් දිස්වේ: "ඔබ මකනලද ගොනු සහ ෆෝල්ඩර ඇතුලත්වේ."
    ඔබ දක්වන්නේ කුමක්ද යන්න මත දර්ශකය වෙනස් වේ. උදාහරණයක් ලෙස ඔබගේ වෙබ් බ්‍රවුසරයේ, සබැඳියක් වෙත දැක්වූ විට, දර්ශකය සරයකින් දැක්වුම් ඇඟිල්ලක් සහිත අතකට වෙනස් වේ. .
    මූසිකයෙන් සිදුකෙරෙන බොහෝ ක්‍රියාවන් සිදුවන්නේ, එහි යොමුකිරීම සහ බොත්තම්වලින් එකක් තද කිරීම යන එවායේ එකතුවක් ලෙසය. ඔබගේ මූසික බොත්තම් භාවිතා කිරීමේ ක්‍රම හතරකි:ක්ලික් කිරීම,ද්වී ක්ලික් කිරීම,දකුණු ක්ලික් කිරීම සහ ඇදීම.
    ක්ලික් කිරීම (තනි-ක්ලික් කිරීම)
    අයිතමයක් ක්ලික් කිරීමට, තිරය මත ඇති අයිතමයක් වෙත දක්වා ඉන්පසු ප්‍රාථමික බොත්තම ඔබා අතහරින්න (සාමාන්‍යයෙන් දකුණු බොත්තම).
    අයිතමයක් තේරීමට (සළකුණු කිරීමට) විවෘත කිරීමට නිතර භාවිතා කරන ක්‍රමයකි ක්ලික් කිරීම. මෙය සමහර විට තනි ක්ලික් කිරීම හෝ වම් ක්ලික් කිරීම ලෙස හඳුන්වයි..
    ද්වී ක්ලික් කිරීම
    අයිතමයක් ද්වී ක්ලික් කිරීමට තිරය මත ඇති අයිතමය වෙත දක්වා,ක්ෂණිකව දෙවරක් ක්ලික් කරන්න. ක්ලික් දෙකක් අතර දුර වඩා වැඩිනම්,එය ද්වී ක්ලික් එකක් ලෙස නොව තනි ක්ලික් දෙකක් ලෙස තේරුම් ගනී.
    ඔබගේ වැඩතලයේ ඇති අයිතම විවෘත කිරීමට නිතර භාවිතා කරන ක්‍රමය ද්වී ක්ලික් කිරීමයි. උදාහරණයක් ලෙස,ඔබට වැඩතලයේ ඇති එහි අයිකනයද්වි ක්ලික් කිරීමෙන්,ක්‍රමලේඛයක් ඇරඹිය හැකිය හෝ ෆෝල්ඩරයක් විවෘතකළ හැකිය.
    ඉඟිය
    • ඔබට ද්වී ක්ලික් කිරීමේ ගැටළුවක් පවතීනම්,ඔබට ද්වි ක්ලික් වේගය ගැළපිය හැකිය.(ක්ලික් කිරීම් අතර පිළිගත හැකි කාලයන් ගණන) මෙම පියවර අනුගමනය කරන්න:
      1. මූසික ගුණාංග විවෘත කිරීමට ක්ලික් කරන්න.
      2. බොත්තම්පටිත්ත ක්ලික්කර, ඉන්පසු ද්වී ක්ලික් වේගය, යටතේ, වේගය අඩු හෝ වැඩි කිරීමට ස්ලයිඩරය ගෙන යන්න.
    දකුණු ක්ලික් කිරීම
    අයිතමයක් දකුණු ක්ලික් කිරීමට,තිරය මත ඇති අයිතමය වෙත දක්වා ද්විතියික බොත්තම ඔබා නිදහස් කරන්න(සාමාන්‍යයෙන් දකුණු බොත්තම).
    අයිතමයක් දකුණු ක්ලික් කිරීමෙන්,සාමාන්‍යයෙන් ඔබට අයිතමය සමඟ කළහැකි දේවල් ලැයිස්තුවක් දැක්වෙයි. උදාහරණයක් ලෙස,ඔබගේ වැඩතලය මත ඇති පිළිසකර බඳුන දකුණු ක්ලික්කළ විට,ඔබට එය විවෘත කිරීමට,හිස් කිරීමට,මැකීමට හෝ එහි ගුණාංග මැකීමට ඉඩදෙමින්, Windows මෙනුවක් පෙන්වයි. ඔබ යමක් සමඟ කරන්නේ කුමක්දැයි නිසැක නොවේනම්,එය දකුණු ක්ලික් කරන්න.
    ඇදීම
    ඔබටඇදීමමගින් ඔබගේ තිරය වටා අයිතම ගෙනයා හැකිය. වස්තුවක් ඇදීමට,තිරය මත ඇති වස්තුව වෙත දක්වා,ප්‍රාථමික බොත්තම ඔබා රඳවාගෙන,වස්තුව නව පිහිටුමකට ගෙනයන්න. ඉන්පසු ප්‍රාථමික බොත්තම නිදහස් කරන්න.
    ඇදිම (සමහරවිට ඇදීම සහ හෙලීමනමින්ද හඳුන්වන) වෙනත් පිහිටුමකට ගොනු සහ ෆෝල්ඩර ගෙනයාමට සහ ඔබගේ තිරය වටා කවුළු සහ අයිකන ගෙනයාමට නිතර භාවිතා කරයි.
    අනුචලන රෝදය භාවිතයෙන්
    ඔබගේ මූසිකය සතුව අනුචලන රෝදයක් පවතී නම්, ඔබට ලේඛ සහ වෙබ් පිටු හරහා අනුචලනය කිරීමට එය භාවිතා කළ හැකිය. පහළට අනුචලනය කිරීමට රෝදය පසුපසට රෝල් කරන්න (ඔබ දෙසට). ඉහළට අනුචලනය කිරීමට රෝදය ඉදිරියට රෝල් කරන්න (ඔබෙන් ඉවතට).
    ඔබගේ මූසිකය අභිමත කිරීම
    ඔබට ඔබගේ පෞද්ගලික වරණයන් අනුව,මූසික සිටුවීම් වෙනස්කළ හැකිය. උදාහරණයක් ලෙස,ඔබට ඔබගේ මූසික දර්ශකය තිරය වටා කොපමණ වේගයකින් ගෙනයන්නේදැයි වෙනස්කළ හැකිය හෝ දර්ශකයේ පෙනුම වෙනස්කළ හැකිය. ඔබ වමත් කරුවකු නම්,ඔබට ප්‍රාථමික බොත්තම ලෙස දකුණු බොත්තමට මාරුකළ හැකිය. වැඩිදුර විස්තර සඳහා ,බලන්න මූසික සිටුවීම් වෙනස් කරන්න.
    ඔබගේ මූසිකය ආරක්ෂාකාරීව භාවිතා කිරීමට ඉඟි
    ඔබගේ මූසිකය හොඳින් රඳවා ගැනීම සහ එහාමෙහා ගෙනයාම,ඔබගේ මැණික් කටුවලට,අත්වලට,සහ බාහුවලට සිදුවන හානි සහ තුවාලවීම් වළක්වා ගැනීමට උදව් වේ,විශේෂයෙන් ඔබ දිගු කාලයක් පරිගණකය භාවිතා කරන්නේ නම්. ඔබට ගැටළු වළක්වා ගැනීමට උදව්වන ඉඟි කීපයක් මෙන්න :
    • ඔබගේ මූසිකය වැලමිට මට්ටමේ ස්ථානගත කරන්න. ඔබගේ පැත්තෙන් ඔබගේ උඩු බාහුව ඉහිල්ව තිබිය යුතුය.
    • ඔබගේ මූසිකය තදින් මිරිකීම හෝ ග්‍රහණය කිරීම නොකරන්න. එය මෘදුව රඳවාගන්න.
    • ඔබගේ බාහුව වැලමිටෙන් විවර්තනය කරමින් මූසික බොත්තම ගෙනයන්න. ඔබගේ මැණික් කටුව ඉහළට.පහළට හෝ පැත්තට නැවීමෙන් වළකින්න.
    • මූසික බොත්තම ක්ලික් කරන විට,මෘදු ස්පර්ෂයක් භාවිතා කරන්න.
    • ඔබගේ ඇඟිලි සැහැල්ලුව තබාගන්න. බොත්තම් වලට ඉහළින් සැරිසැරීමට ඔවුන්ට ඉඩ නොදෙන්න.
    • ඔබට මූසිකය භාවිතා කිරීමට අවශ්‍ය නොවන විට.එය රඳවා නොගන්න.
    • පරිගණකය භාවිතා කරන සෑම මිනිත්තු 15-20කට වරක් කෙටි විරාමයක් ගන්න.
    ඔබගේ යතුරු පුවරුව භාවිත කිරීම
    ඔබ ලියුමක් ලියමින් සිටියත් සංඛ්‍යාත්මක දත්ත ගණනය කරමින් සිටියත්, ඔබගේ පරිගණකයට දත්ත ඇතුළුකළ හැකි ප්‍රධාන ක්‍රමය ඔබගේ යතුරු පුවරුවයි. නමුත් ඔබගේ පරිගණකය පාලනය කිරීමටත් ඔබගේ යතුරු පුවරුව භාවිතාකළ හැකි බව ඔබ දැනසිටියේද? සරල යතුරු පුවරු විධානකිහිපයක් භාවිතා කිරීම (ඔබගේ පරිගණකයට උපදෙස්) ඔබට වඩා කාර්යක්ෂමව වැඩ කිරීමට උදව් කරයි. මෙම ලිපිය මගින් මූලික යතුරු පුවරු මෙහෙයුම් ආවරණයකරන අතර යතුරු පුවරු විධාන මගින් ඔබට ඇරඹීමට සලස්වයි.
    යතුරු සංවිධානය වී ඇත්තේ කෙසේද
    ශ්‍රිත මත පදනම්ව ඔබගේ යතුරු පුවරුව මත ඇති යතුරු සමූහ කිහිපයකට බෙදිය හැකිය:
    • (අක්ෂරාංක) යතුරු ටයිප් කිරීම. මෙම යතුරු වලට, සාම්ප්‍රදායික යතුරු ලියනයක දැකිය හැකි සමාන අකුරු, ඉලක්කම්, විරාම ලකුණු සහ සංකේත යතුරු ඇතුලත් වේ.
    • පාලන යතුරු. සමහර ක්‍රියා සිදුකිරීමට මෙම යතුරු තනිවම හෝ අනෙක් යතුරු සමඟ සංයෝජිතව භාවිතා කරයි. නිරන්තරයෙන් භාවිතාවන පාලන යතුරු නම් Ctrl, Alt, Windows ලාංඡනය යතුර , සහ Esc.
    • කාර්යය යතුරු. කාර්යය යතුරු භාවිත කරන්නේ විශේෂිත කාර්යයන් සිදුකිරීමටය. මේවා F1, F2, F3, යන ලෙස, F12 දක්වා ලේබලකර ඇත. මෙම යතුරුවල කාර්යයන් ක්‍රමලේඛයෙන් ක්‍රමලේඛයට වෙනස් වේ.
    • මංසෙවුම් යතුරු. මෙම යතුරු,ලේඛ හෝ වෙබ් පිටු එහා මෙහා ගෙනයාමට සහ පෙළ සැකසීමට භාවිතා කරයි. ඊතල යතුරු, Home, End, Page Up, Page Down, Delete, සහ Insert යතුරු එයට ඇතුලත් වේ.
    • සංඛ්‍යත්මක යතුරු පෑඩය. සංඛ්‍යත්මක යතුරු පෑඩය කඩිනමින් ඉලක්කම් ඇතුළු කිරීමට පහසු වේ. පරිවර්තන ගණක යන්ත්‍රයක් හෝ එක්කිරීමේ යන්ත්‍රයක් ලෙස යතුරු එක කට්ට්යක සමූහගතකර ඇත.
    මෙම යතුරු, නියම යතුරු පුවරුවක සකස්කර ඇත්තේ කෙසේදැයි පහත නිරූපණයෙන් පෙන්වයි. ඔබගේ යතුරු පුවරු පිරිසැලසුම වෙනස්විය හැකිය.
    පෙළ ටයිප් කිරීම
    ඔබට ක්‍රමලේඛයක යමක් ටයිප් කිරීමට අවශ්‍ය වූ විට, ඉ තැපැල් පණිවිඩයක් හෝ පෙළ කොටුවක්,ඔබ නිමේෂ සිරස් ඉරක් දකිනු ඇත ( ). මෙය කර්සරයයි, ඇතුළු කිරීම් ලක්ෂ්‍යයනුවෙන්ද හඳුන්වයි. එමගින් ඔබ ටයිප් කරන පෙළ ඇරඹෙන ස්ථානය පෙන්වයි. මූසිකය සමග අපේක්ෂිත පිහිටුම ක්ලික් කිරීමෙන් හෝ මංසෙවුම් යතුරු භාවිතයෙන්, ඔබට කර්සරය ගෙනයා හැකිය(මෙම ලිපියේ"මංසෙවුම් යතුරු භාවිතයෙන්" තේරීම බලන්න).
    අකුරු, සංඛ්‍යා, විරම ලකුණු, සහ සංකේත වලට අමතරව, ටයිප් කරන යතුරු වලට Shift, Caps Lock, Tab, Enter, Spacebar, සහ Backspace යන යතුරුද ඇතුලත් වේ.
    යතුරු නාමය
    එය භාවිතා කරන්නේ කෙසේද
    Shift
    මහකුරු අකුරක් ටයිප් කිරීමට අකුරක් සමඟ Shift ඔබන්න. යතුරේ ඉහළ කොටසේ දැක්වෙන සංකේතය ටයිප් කිරීමට වෙනත් යතුරක් සමග Shift එක්ව ඔබන්න.
    Caps Lock
    සියලුම අකුරු මහකුරු ලෙස ටයිප් කිරීමට Caps Lock වරක් ඔබන්න. මෙම ක්‍රියාව අක්‍රිය කිරීමට Caps Lock යළිත් වරක් ඔබන්න. Caps Lock සක්‍රියව පවතීදැයි ඇඟවීමට ඔබගේ යතුරු පුවරුවේ ආලෝකයක් තිබිය හැකිය.
    Tab
    කර්සරය හිස්තැන් කිහිපයක් ඉදිරියට ගෙනයාමට Tab ඔබන්න. ආකෘති පත්‍රයක ඊළඟ පෙළ කොටුව වෙත යාමටත් ඔබට Tab යතුර එබිය හැකිය.
    Enter
    ඊළඟ තීරයේ ආරම්භයට කර්සරය ගෙනයාමට Enter ඔබන්න. සංවාද කොටුවක් තුළ, උද්දීපනය කර ඇති බොත්තම තේරීමට Enter ඔබන්න.
    Spacebar
    කර්සරය එක හිස්තැනක් ඉදිරියට ගෙනයාමට Spacebar යතුර ඔබන්න.
    Backspace
    තොරාගත් පෙළ හෝ කර්සරයට පෙර ඇති අනුලකුණ මැකීමට Backspace යතුර ඔබන්න
    යතුරු පුවරු කෙටිමං භාවිතය
    යතුරු පුවරු කෙටිමංයනු ඔබගේ යතුරු පුවරු භාවිතයෙන් ක්‍රියා සිදුකිරීමට හැකි ක්‍රමය. ඒවා ඔබට වේගයෙන් වැඩ කිරීමට උදව්වන නිසා කෙටිමං ලෙස හඳුන්වයි. ඇත්ත වශයෙන්ම, ඔබ මූසිකයක් භාවිතයෙන් සිදුකරන ඕනෑම ක්‍රියාවක් හෝ විධානයක්,යතුරු පුවරුවේ ඇති යතුරු එකක් හෝ කීපයක් භාවිතයෙන් පහසුවෙන්කළ හැකිය.
    උදව් මාතෘකාවල, යතුරු දෙකක් හෝ වැඩි ගණනක් අතර ඇති එකතු කිරීමේ ලකුණ (+) මගින් එම යතුරු එක්ව එබිය යුතු බව අඟවයි. උදාහරණයක් ලෙස, Ctrl+A යනු Ctrl යතුර ඔබාගෙන A එබිමයි. Ctrl+Shift+A යනු Ctrl සහ Shift යතුරු ඔබාගෙන A එබීමයි.
    ක්‍රමලේඛ කෙටිමං සොයන්න
    ඔබට යතුරු පුවරුව භාවිතයෙන් බොහෝ ක්‍රමලේඛවල දේවල්කළ හැකිය. යතුරු පුවරු කෙටිමං ඇත්තේ කුමන විධාන සතුවදැයි බැලීමට, මෙනුවක් විවෘත කරන්න. -කෙටිමං (පවතීනම්)මෙනු අයිතමය ළඟට පෙන්වයි.
    මෙනුවිධාන සහ අභිරුචි තෝරන්න
    ඔබට යතුරු පුවරුව භාවිතයෙන් මෙනු විවෘත කිරීම, විධාන සහ අනෙකුත් අභිරුචි තේරීමකළ හැකිය. යටිඉරි ඇඳි අකුරු සහිත මෙනු ඇති ක්‍රමලේඛයක, අනුරූපී මෙනුව විවෘත කිරීමට,යටිඉරි ඇඳි අකුර සහ Alt යතුර ඔබන්න. මෙම විධානය තේරීමට, මෙනු අයිතමයක ඇති යටි ඉරි ඇඳි අකුර ඔබන්න. රිබනය භාවිතා කරන ක්‍රමලේඛ සඳහා, Paint සහ WordPad වැනි, Alt මතඇතුරුම් එබීමෙන් (යටි ඉරි ඇඳීමෙන් තොරව) අකුරක් එබිය හැකිය.
    මෙම ක්‍රමය සංවාද කොටුවලදීද වැඩකරයි. සංවාද කොටුවක අභිරුචියකට අමුණා ඇති යටි ඉරි ඇඳි අකුරක් ඔබ දකින විට, එමගින් අදහස් වන්නේ Alt සමඟ එම අකුර තේරීමෙන් අභිරුචියක් තේරීමට ඔබට හැකි බවයි.
    ප්‍රයෝජනවත් කෙටිමං
    පහත වගුව මගින් සමහර වඩා වැදගත් යතුරු පුවරු කෙටිමං ලැයිස්තුගත කරයි. වැඩිදුර විස්තර ලැයිස්තුවක් සඳහා, බලන්න යතුරු පුවරු මංසෙවුම්.
    මෙය ඔබන්න
    මෙය කළ යුතු
    Windows ලාංඡනය යතුර
    ඇරඹුම් මෙනුව විවෘත කරන්න
    Alt+Tab
    විවෘත ක්‍රමලේඛ හෝ කවුළු අතර මාරුවන්න
    Alt+F4
    සක්‍රිය අයිතමය වසන්න හෝ සක්‍රිය ක්‍රමලේඛයෙන් ඉවත් වන්න
    Ctrl+S
    වර්තමාන ගොනුව හෝ ලේඛය සුරකින්න(බොහෝ ක්‍රමලේඛවල වැඩකරයි)
    Ctrl+C
    තෝරාගත් අයිතමය පිටපත් කරන්න
    Ctrl+X
    තෝරාගත් අයිතමය කපන්න
    Ctrl+V
    තෝරාගත් අයිතමය අලවන්න
    Ctrl+Z
    ක්‍රියාව ආපසු කරන්න
    Ctrl+A
    ලේඛයක හෝ කවුළුවක ඇති සියලු අයිතම තෝරන්න
    F1
    ක්‍රමලේඛයක් සඳහා උදව් පෙන්වන්න හෝ Windows
    Windows ලාංඡනය යතුර +F1
    උදව් සහ සහාය Windows පෙන්වන්න
    Esc
    වර්තමාන කාර්යය අවලංගු කරන්න
    යෙදුම් යතුර
    ක්‍රමලේඛයක තේරීමකට අදාල විධාන මෙනුව විවෘත කරන්න. තේරීම දකුණු ක්ලික කිරීමට සමාන වේ.
    මංසෙවුම් යතුරු භාවිතය
    ඔබට මංසෙවුම් යතුරු මගින්, කර්සරය ගෙනයාමට, ලේඛ සහ වෙබ් පිටු අතර ගෙනයාමට සහ පෙළ සැකසීමට ඉඩදෙයි. පහත වගුව මගින් මෙම යතුරුවල සමහර පොදු කාර්යයන් ලැයිස්තුගත කරයි.
    මෙය ඔබන්න
    මෙය කළ යුතු
    වම් සරය, දකුණු සරය, ඉහළ සරය, හෝ පහළ සරය
    කර්සරය හෝ තේරීම, සරයේ දිශාව දෙසට එක් හිස් තැනකින් හෝ එක් පේළියකින් ගෙන යයි, නැතහොත් සරයේ දිශාව දෙසට වෙබ් පිටුව අනුචලනය කරයි.
    Home
    කර්සරය පේළියෙහි ආරම්භයට ගෙනයන්න හෝ වෙබ් පිටුවේ මුදුනට ගෙනයන්න
    End
    කර්සරය පේළියෙහි නිමාවට ගෙනයන්න හෝ වෙබ් පිටුවේ පහළට ගෙනයන්න
    Ctrl+Home
    ලේඛයේ ඉහළට ගෙනයන්න
    Ctrl+End
    ලේඛයේ පහළට ගෙනයන්න
    Page Up
    කර්සරය ගෙනයන්න හෝ එක් තිරයකින් පිටුව ඉහළට
    Page Down
    කර්සරය ගෙනයන්න හෝ එක් තිරයකින් පිටුව පහළට
    Delete
    කර්සරයට පසු අනුලකුණ හෝ තෝරාගත් පෙළ මකන්න; Windows, තෝරාගත් අයිතමය මකා එය පිළිසකර බඳුනට ගෙනයන්න
    Insert
    ඇතුළු කිරීම් ප්‍රකාරය සක්‍රිය හෝ අක්‍රිය කරන්න ඇතුළු කිරීම් ප්‍රකාරය සක්‍රිය වූ විට, ඔබ ටයිප් කරන පෙළ කර්සරයෙහි ඇතුළු වේ. ඇතුළු කිරීම් ප්‍රකාරය අක්‍රිය වූ විට, ඔබ ටයිප් කරන පෙළ පවතින අනුලක්ෂණ මත යළි ස්ථානගත වේ.
    සංඛ්‍යාත්මක යතුරු පෑඩය භාවිතයෙන්
    0 සිට 9 දක්වා වූ අංක, + (එකතු කිරීම), - (අඩු කිරීම), * (ගුණ කිරීම), සහ / (බෙදීම) යන ගණිතමය මෙහෙයුම්කාරක සහ, කැල්ක්‍යුලේ‍ටරයක හෝ එක් කිරීමේ යන්ත්‍රයක දිස්වන දශමස්ථාන, සංඛ්‍යා යතුරු පෑඩය මගින් පිළිවෙලට සකසනු ලැබේ. මෙම අනුලක්ෂණ යතුරු පුවරුවේ තවත් තැනක තිබේ, සත්තකින්ම, නමුත් යතුරු පෑඩ සැකැස්ම මගින් ඔබට සංඛ්‍යාත්මක දත්ත වේගයෙන් හෝ ගණිතමය මෙහෙයුම් එක අතකින් ඇතුළු කිරීමට ඉඩදෙයි.
    සංඛ්‍යාත්මක යතුරු පෑඩය
    සංඛ්‍යා ඇතුළු කිරීමට සංඛ්‍යාත්මක යතුරු පෑඩය භාවිතා කිරීමට.Num Lock ඔබන්න. Num Lock සක්‍රිය හෝ අක්‍රිය දැයි ඇඟවීමට,බොහෝ පරිගණක සතුව ආලෝකයක් ඇත. Num Lock අක්‍රියව ඇති විට, දෙවන මංසෙවුම් යතුරු සමූහය ලෙස සංඛ්‍යාත්මක යතුරු පුවරු කාර්යයන් (සංඛ්‍යා සහ සංකේත ළඟට ඇති යතුරුවල මෙම කාර්යයන් මුද්‍රණය වී ඇත.)
    කැල්ක්‍යුලේ‍ටරය සමග සරල ගණිත කර්ම සිදුකිරීමට, ඔබට සංඛ්‍යත්මක යතුරු පෑඩය භාවිතා කළ හැකිය.
     සංඛ්‍යත්මක යතුරු පෑඩය සමග කැල්ක්‍යුලේ‍ටරය මෙහෙයවන්න
    1. කැල්ක්‍යුලේ‍ටරය විවෘත කිරීමට ක්ලික් කරන්න.
    2. Num Lock සක්‍රියව ඇත්දැයි බැලීමට ඔබගේ යතුරු පුවරු ආලෝකය පරීක්ෂා කරන්න. එය ඔබා නැතිනම් Num Lock.
    3. සංඛ්‍යත්මක යතුරු පෑඩය භාවිතයෙන්, ගණිත කර්මයේ පළමු අංකය ටයිප් කරන්න.
    4. යතුරු පෑඩය මත, + එකතු කිරීමට, -අඩු කිරීමට, * ගුණ කිරීමට /හෝ බෙදීමට ටයිප් කරන්න.
    5. ගණිත කර්මයේ ඊළඟ අංකය ටයිප් කරන්න.
    6. ගණිත කර්මය සම්පූර්ණ කිරීමට Enter ඔබන්න.
    අමුතු ආකාරයේ යතුරු තුන
    මෙතෙක් දුරට, අපි ඔබ භාවිතා කිරීමට ඉඩ ඇති සෑම යතුරක් ගැනම වාගේ සාකච්ඡාකර ඇත. ප්‍රශ්න විමසීමට ලැදි අය වෙනුවෙන්, යතුරු පුවරුවේ තිබෙන වඩාත්ම ගුප්ත යතුරු තුන පිළිබඳව අපි සොයා බලමු. PrtScn, Scroll Lock, සහ Pause/Break.
    PrtScn (හෝ මුද්‍රණ තිරය)
    දිගු කලකට පෙර, මෙම යතුර එය කියන දේ කළේය—එය ඔබගේ මුද්‍රකයට වර්තමාන තිර පෙළ යැවීය. මේ දිනවල, PrtScn එබීම, ඔබගේ මුළු තිරයේම අනුරුවක් ("තිර ඡායාරූපයක්") ග්‍රහණය කරන අතර එය ඔබගේ පරිගණක මතකයේ පසුරු පුවරුවට පිටපත් කරයි . එහි සිට Microsoft Paint හෝ වෙනත් ක්‍රමලේඛයකට ඔබට එය ඇලවිය හැකි (Ctrl+V) අතර ඔබට අවශ්‍ය නම් එය මෙම ක්‍රමලේඛයෙන් මුද්‍රණයකළ හැක.
    වඩා නොපැහැදිලි වන්නේ SYS RQ ය, එමගින් සමහර යතුරු පුවරුවල PrtScn සමග යතුරු හවුල්කර ගනී. ඓතිහාසිකව, SYS RQ නිර්මාණය වී ඇත්තේ "පද්ධති ඉල්ලීමක" ටය, නමුත් එම විධානය මෙහි සක්‍රියකර නොමැත.Windows.
    ඉඟිය
    • මුළු තිරය වෙනුවට, සක්‍රිය කවුළුවේ අනුරුවක් ග්‍රහණයකර ගැනීමට Alt+PrtScn ඔබන්න.
    ScrLk (හෝ Scroll Lock)
    බොහෝ ක්‍රමලේඛවල Scroll Lock එබීමෙන් බලපෑමක් නැත. ක්‍රමලේඛවල කිහිපයක, Scroll Lock එබීමෙන් ඊතල යතුරු සහ Page Up සහ Page Down යතුරුවල හැසිරීම වෙනස් වේ;මෙම යතුරු එබිම,කර්සරයේ හෝ තේරීමේ ස්ථානය වෙනස් කිරීමකින් තොරව ලේඛය අනුචලනය කිරීමට හේතු වේ. Scroll Lock සක්‍රියව ඇත්දැයි ඇඟවෙන ආලෝකයක් ඔබගේ යතුරු පුවරුව සතුව තිබිය හැකිය.
    Pause/Break
    මෙම යතුර කලාතුරකින් භාවිතා කරයි. සමහර පැරණි ක්‍රමලේඛවල, මෙම යතුර එබීම ක්‍රමලේඛය වසාදමයි හෝ Ctrl සමග එක්ව එබීමෙන් එය ක්‍රියාත්මකවීම නවතයි.
    වෙනත් යතුරු
    සමහර නවීන යතුරු පුවරු "ක්ෂණික යතුරු" සමඟ හෝ ඔබට ක්‍රමලේඛ, ගොනු හෝ විධාන සඳහා කඩිනම් සහ එක් වරකින් පිවිසිය හැකි ප්‍රවේශයන් ලබාදෙයි. අනෙකුත් ප්‍රකාර සතුව ශබ්ද පාලක, අනුචලන රෝද, යුහුමු රෝද සහ වෙනත් මෙවලම් පවතී. මෙම විශේෂාංග පිළිබඳ විස්තර සඳහා, ඔබගේ පරිගණකය හෝ යතුරු පුවරුව සමඟ පැමිණෙන තොරතුරු පරීක්ෂා කරන්න හෝ නිශ්පාදකයාගේ වෙබ් අඩවියට යන්න.
    ඔබගේ යතුරු පුවරුව ආරක්ෂාකාරීව භාවිතා කිරීම සඳහා ඉඟි
    ඔබගේ යතුරු පුවරුව හොඳින් භාවිතා කිරීම මගින් ඔබගේ මැණික්කටු, අත්, සහ බාහු වලට සිදුවියහැකි තුවාලවීම් සහ හිංසාවීම් වළක්වාගත හැකිය.විශේෂයෙන් ඔබ ඔබගේ පරිගණකය දිගු කාලයක් භාවිතා කරන්නේ නම්. ඔබට ගැටළු වළක්වා ගැනීමට උදව්වන ඉඟි කීපයක් මෙන්න:
    • ඔබගේ යතුරු පුවරුව වැලමිට මට්ටමින් ස්ථානගත කරන්න. ඔබගේ ඉහළ බාහුව ඔබගේ පැත්තෙන් ඉහිල්විය යුතුය.
    • ඔබගේ යතුරු පුවරුව ඔබ ඉදිරියේ මධ්‍යස්ථව තබන්න. ඔබගේ යතුරු පුවරුව සතුව සංඛ්‍යාත්මක යතුරු පෑඩයක් ඇත්නම්, මධ්‍යස්ථ ලක්ෂයක් ලෙස ඔබට හිස් තීරය භාවිතාකළ හැකිය.
    • යතුරු පුවරුව මත ඉපිලෙමින් ඔබගේ අත් සහ මැණික්කටු සමඟින් ටයිප් කරන්න.එමඟින් ඔබට දුරින් ඇති යතුරු සඳහා ලඟාවීමට, ඔබගේ ඇඟිලි ඇදීමකින් තොරව මුළු අතම භාවිතාකළ හැකිය.
    • ටයිප් කරන අතරතුර ඔබගේ මැණික්කටු හෝ අල්ල කිසිම මතුපිටක් මත අක්‍රියව තැබීමෙන් වළකින්න. ඔබගේ යතුරු පුවරුව සතුව හස්ත ආධාරකයක් පවතී නම්, ටයිප් කිරීමේ දී විරාමයක් ගැනීම සඳහා පමණක් එය භාවිත කරන්න.
    • ඔබ ටයිප් නොකරන විට.ඔබගේ බාහු සහ අත් ඉහිල්කර ගන්න.
    • ඔබ ටයිප් නොකරන විට, ඔබගේ අත් සහ බාහු ඉහිල්කර ගන්න.
    • ඔබගේ පරිගණකය භාවිතා කරන සෑම මිනිත්තු 15-20කට වරක් කෙටි විරාමයක් ගන්න.
    ඔබේ පරිගණකය නිසිලෙස වැසීම
    ඔබ පරිගණකය භාවිත කර අවසන් වූ පසු, එය නිසිලෙස වැසීම වැදගත් වේ—මෙය ශක්තිය සුරැකීම සඳහා ම පමණක් නොව, ඔබේ පරිගණකය වඩා ආරක්ෂාකාරීව තබා ගැනීමට සහ ඔබේ දත්ත සුරැකී ඇති බවට තහවුරු කිරීමට ද සහාය වේ. ඔබේ පරිගණකය වැසීමට ක්‍රම තුනක් පවතී: ඔබේ පරිගණකයේ 'බලය' බොත්තම එබීමෙන්, 'ආරම්භක' මෙනුවේ ඇති 'වසන්න' බොත්තම භාවිතයෙන් සහ ඔබට ලැප්ටොප් පරිගණකයන් ඇතිනම් එහි පියන වැසීමෙන්.
    'ආරම්භකමෙනුවේ ඇති 'වසන්නබොත්තම භාවිත කරන්න
    'ආරම්භක' මෙනුව භාවිතයෙන් ඔබේ පරිගණකය වැසීමට, ආරම්භක බොත්තම ක්ලික් කර, අනතුරුව ආරම්භක මෙනුවේ පහළ-දකුණු කෙළවරෙහි, වසන්න ක්ලික් කරන්න.
    ඔබ වසන්න ක්ලික් කළ විට, ඔබේ පරිගණකය විසින් Windows ද සහිතව විවෘත කර ඇති සියලු වැඩසටහන් වසා ඔබේ පරිගණකය සහ සංදර්ශනය සම්පූර්ණයෙන් ම අක්‍රීය කරයි. වැසීමේ දී ඔබේ කාර්ය සුරක්ෂිත නොවන බැවින් ඔබ පළමුව ඔබේ ගොනු සුරැකිය යුතු ය.
    පෙරනිමියෙන්, 'වසන්න' බොත්තමෙන් ඔබේ පරිගණකය වසයි. නමුත් 'බලය' බොත්තමෙන් ඉටු වීමට අවශ්‍ය කුමන ක්‍රියාවක් දැයි ඔබට තේරිය හැකි ය.
    1. කාර්ය තීර සහ ආරම්භක මෙනු ගුණාංග විවෘත කිරීමට ක්ලික් කරන්න.
    2. ආරම්භක මෙනු පටිත්තේ, ඔබට භාවිත කිරීමට අවශ්‍ය ක්‍රියාව තෝරා, අනතුරුව හරි ක්ලික් කරන්න.
      • ඔබ ජාල වසමකට සබැඳී ඇති නම්, ඔබේ ජාල පරිපාලක විසින් සකසා ඇති සිටුවම් (සමූහ ප්‍රතිපත්ති සිටුවම්) මගින් ඔබ පෙර අදියර සම්පූර්ණ කිරීමෙන් වැළැක්වීමට පුළුවන.
      • ඔබ ජාල වසමකට සබැඳී ඇති නිසා, ඔබේ ජාල පරිපාලක විසින් සකසා ඇති සිටුවම් (සමූහ ප්‍රතිපත්ති සිටුවම්) මගින් ඔබ පෙර අදියර සම්පූර්ණ කිරීමෙන් වැළැක්වීමට පුළුවන.
    'වසන්න' බොත්තමට ගත හැකි තවත් එක් ආකාරයක් පවතී. ඔබ ස්වයංක්‍රීය යාවත්කාලීන ලබාගැනීමට ඔබේ පරිගණකය සිටුවා ඇති නම්, සහ යාවත්කාලීන ස්ථාපනය කිරීමට සූදානම් ව පවතී නම්, 'වසන්න' බොත්තම මෙසේ පෙනෙනු ඇත.
    ඔබ 'වසන්න' බොත්තම ක්ලික් කළ විට, Windows යාවත්කාලීන ස්ථාපනය කර අනතුරුව ඔබේ පරිගණකය වසයි.
    සටහන
    • ඔබේ පරිගණකය වැසූ පසු එය ආරම්භ කිරීමට පරිගණකය නිද්‍රාවෙන් නැගිටවීමට ගතවන කාලයට වඩා වැඩි කාලයක් ගත වේ.
    නිද්‍රාව භාවිත කිරීම
    ඔබේ පරිගණකය වැසීම වෙනුවට එය නිද්‍රාගත කිරීමට තේරීමට ඔබට පුළුවන. ඔබේ පරිගණකය නිද්‍රාගත වූ විට, සංදර්ශනය අක්‍රීය වන අතර බොහෝ විට පරිගණකයේ පංකාව ද නවතී. සාමාන්‍යයෙන්, ඔබේ පරිගණකය නිද්‍රාගත වී ඇති බව දැක්වීමට පරිගණක කොපුවේ පිටත ඇති ආලොකයක් නිවෙමින් දැල්වීම හෝ කහ පැහැයට හැරීම සිදු වේ. සම්පූර්ණ ක්‍රියාවලිය ම සඳහා තත්පර කිහිපයක් පමණක් ගත වේ.
    Windows ඔබ කරමින් සිටි දෙය මතක තබාගන්නා බැවින්, ඔබේ පරිගණකය නිද්‍රාගත කිරීමට පෙර ඔබේ වැඩසටහන් සහ ගොනු වැසීමට අවශ්‍යතාවක් නැත. නමුත්, පරිගණකය ඕනෑ ම අඩු-බල ප්‍රකාරයකට පත් කිරීමට පෙර ඔබේ කාර්ය සුරැකීම සැමවිට ම හොඳ අදහසකි. ඊළඟ වාරයේ ඔබ පරිගණකය සක්‍රීය කළ විට (අවශ්‍ය නම් මුරපදය ඇතුළු කර), පරිගණක තිරය ඔබ පරිගණකය වසන විට තිබූ ආකාරයෙන් ම පෙන්වනු ඇත.
    ඔබේ පරිගණකට අවදි කිරීමට, පරිගණක කොපුවේ ඇති 'බලය' බොත්තම ඔබන්න. ඔබට Windows ඇරඹෙන තෙක් රැඳී සිටීමට සිදු නොවන නිසා, ඔබේ පරිගණකය තත්පර ගණනක් ඇතුළත අවදි වන අතර ඔබට සැණෙකින් ඔබේ කාර්ය කරගෙන යාමට හැකි වේ.
    සටහන
    • ඔබේ පරිගණකය නිද්‍රාවේ පවතින විට, ඔබේ කාර්ය එහි මතකයේ තබා ගැනීමට ඉතා සුළු බලයක් භාවිත කරයි. ඔබ ලැප්ටොප් පරිගණකයක් භාවිත කරන්නේ නම්, කනස්සලු නොවන්න—බැටරිය නොබසිනු ඇත. පරිගණකය පැය කිහිපයක් නිද්‍රාවේ පසු වූ පසු හෝ බැටරි ධාරිතාව අඩු වූ විට, ඔබේ කාර්ය දෘඪ ඩිස්කයට සුරැකෙන අතර, බලයක් වැය නොකරමින් ඔබේ පරිගණකය සම්පූර්ණයෙන් ම අක්‍රීය වෙයි.
    වැසිය යුතු අවස්ථා
    ඔබේ පරිගණකය අක්‍රීය කිරිමට ඇති වේගවත් ම ක්‍රමය සහ කාර්ය ඉක්මනින් නැවත පවත්වාගෙන යාමට ඇති හොඳම විකල්පය එය නිද්‍රාගත කිරීම වුවත්, පරිගණකය වැසීමට අවශ්‍ය වන ඇතැම් අවස්ථා පවතී:
    • ඔබ පරිගණකය තුළ ඇති දෘඪාංග උත්ශ්‍රේණි කිරීම හෝ අලුතෙන් එක් කිරීම—මතකය, ඩිස්ක තැටියක්, ශබ්ද පතක් හෝ දෘශ්‍ය පතක් ස්ථාපනය කිරීම වැනි. උත්ශ්‍රේණි කිරීම කරගෙන යාමට පෙර පරිගණකය වසා එය එහි බල මූලාශ්‍රයෙන් විසන්ධි කරන්න.
    • ඔබ මුද්‍රකයක්, මොනිටරයක්, බාහිර තැටියක් හෝ ඔබේ පරිගණකයේ ඇති සාර්වත්‍ර ශ්‍රේණිගත බසයකට (USB) හෝ IEEE 1394 කටමගකට සම්බන්ධ නොවන වෙනත් දෘඪාංග උපාංගයක් එක් කිරීම. උපාංගය සම්බන්ධ කිරීමට පෙර පරිගණකය වසන්න.
    සටහන
    • USB කේබලයක් භාවිත කරන දෘඪාංගයක් එක් කරන විට, පරිගණකය වැසීමට අවශ්‍ය නොවේ. බොහෝ නවීන උපාංග USB කේබල භාවිත කරයි. USB කේබලයක් මෙලෙස දිස් වේ:
     ලැප්ටොප් පරිගණක පරිශීලකයන්: පියන වසන්න
    ඔබ ලැප්ටොප් පරිගණකයක් භාවිත කරන්නේ නම්, පරිගණකය වැසීමට වඩා පහසු ක්‍රමයක් පවතී. පියන වසන්න. ඔබේ පරිගණකය නිද්‍රාගත වන්නේ ද, වැසෙන්නේ ද නැතිනම් වෙනත් බල-සුරැකුම් තත්වයකට පත් වන්නේ ද යන්න ඔබට තේරිය හැකි ය. ඔබේ ලැප්ටොප් පරිගණකය වැසූ විට කුමක් සිදුවන්නේදැයි වෙනස් කරන්න බලන්න.
    ඔබට අවශ්‍ය නම්, ඔබේ ලැප්ටොප් පරිගණක කොපුවේ ඇති බලය බොත්තම එබීමෙන් ද එය වැසිය හැකි ය. ඔබේ පරිගණකයේ ඇති බලය බොත්තම එබූ විට කුමක් සිදුවන්නේදැයි වෙනස් කරන්න බලන්න.

0 comments:

Post a Comment

පරිගණක උදවු ගැන ඔබේ අදහස

There was an error in this gadget

PCWorld නවතම පුවත්